Shitt hvað það var gaman í skylmingunum, vann tvisvar og tapaði tvisvar. Þetta er sko eitthvað sem ég gæti hugsað mér að prófa aftur.

Það var líka alveg rosalega gaman í Sirkus, börnin fóru á fílsbak, borðað var mikið popp og er ég alveg sannfærð um það að þetta á maður að gera á hverju ári.

Nú er allt að fara á fullt í skóla og hobbíum. B. byrjar að æfa sund á morgun og ætlar mamman með mýslunni sinni og hver veit nema kellingin syndi nokkra metra. K. byrjar svo í sundinu á föstudag.

Pabbinn byrjar aftur í söngnáminu á miðvikudag og er ansi spenntur. Svo er B. að byrja í dansskóla á laugardag þannig að það verður sko nóg að gera hjá fjölskyldunni í vetur, gaman að því.

Venlig hilsen. Ævintýrafararnir.