Gat á haus og sýking í hálsi

Fórum út að borða og fengum okkur ís en tilefnið var afmælið hennar Fjólu ömmu.

Annars var helgin bara típísk, dansskóli hjá B. út að leika, kíkt í Amagercenter og HM.

Pabbinn skellti sér svo í afmæli til Hjalta á 5. hæð og svo var skellt sér á tónleika í Kristjaníu með Croisztans. Ekki virðist vera hægt að hleypa þessum sveitastrák einum út að skemmta sér því eftir því sem sögursagnir segja urðu sölumenn dauðans í Kristjaníu frekar pirraðir yfir ættjarðarsöng sveitastráksins (nánar tiltekið "Yfir kaldan eyðisand") og félögum hans vinsamlegast bent á að þagga niður í honum EÐA !!z!#$&/.....

Eitthvað þykist hann hafa götótt minni eftir þetta kvöld en hann kom allaveganna lifandi heim.

Baráttan við lúsina heldur áfram og var skvísan kembd í 3 skiptið í kvöld og ennþá finnast kvikindin, hún er nátturlega með svo mikið hár en við gefumst ekki upp, ónei nei.

Annars hefur dagurinn í dag ekki verið sá skemmtilegasti, byrjaði á því að K. vaknar og segist vera kominn með í hálsinn einu sinni enn, streptókokkasýking í 4 skiptið frá júlímánuði. Hann var heima drulluslappur með hita og fékk auðvitað lyf en nú var sent sýni í ræktun til að komast að hver fjandinn er að.

Ég fór í skólann og í miðjum leirtíma hringdi dagmamman og þá hafði AR dottið á hnakkann og fengið gat á hausinn og ég brunaði með taxa og sótti hann og við fórum á slysó þar sem sárið var límt saman.

Enginn skóli á morgun, leti, kannski smá tiltekt, þvottahúsið og kíkt í svona eins og eina bók.

Já, það er sko nóg að gera. Ævintýrafararnir.