Enn ein helgin

Ekki batnar það, fjórða tönnin fór úr í gærkveldi.

Já það er komin enn ein helgin og haustfríinu senn að ljúka.

Stóri strákurinn á heimilinu kemur heim í dag eftir 5 daga fjarveru og hefur eflaust frá mörgu að segja. Höfum ekkert heyrt frá honum sem telst vera gott, mér finnst það reyndar ekkert svo gott en maður vill heldur ekkert vera að hringja og trufla hann.

Það verður fjölmennt hjá okkur í nótt en við fáum tvær skvísur í næturgistingu. Lærke vinkonu og bekkjarsystir hennar B. og Sigríði Telmu, dóttur vinafólks okkar. Það verður eflaust fjör á bænum.

Það er þokkalega orðið kalt hérna í Höfninni, kuldagallar dregnir fram á börnin og dustað rykið af húfum og vettlingum.

Erum að spá í að fara í tívolí á morgun þar sem það er síðasti dagur þar með Halloween þema en einhverra hluta vegna er K. svo heillaður af þessu Halloween dæmi, höfum heyrt að það sé rosalega flott þar núna.

Góða helgi. Ævintýrafararnir.