Nokkrar

myndir frá London

Hittum Jack Sparrow

Fórum í skoðunarferð í tveggjahæða strætó

Hittum nokkra ánægða Chelsea aðdáendur eftir leik á móti United


Big Ben




Risastóra parísarhjólið London Eye með Big Ben í baksýn

Og auðvitað einn langþráður Guinnes

Erum komin heim frá London þreytt og sæl og auðvitað búin að eyða of miklum pening en skítt með það.

Þetta varð nú samt ekki eins auðveld ferð og við bjuggumst við því litla krúttið okkar veiktist aðfaranótt föstudags með ælu, niðurgang og hita sem varir reyndar enn. Við létum það nú ekki á okkur fá því hann svaf nú mest allan tímann litla greyjið og var rosalega góður og þolinmóður við foreldra sína.

Tókum einn og hálfan verslunardag og restin fór í að skoða okkur um í þessari flottu borg og auðvitað að borða á allskonar veitingastöðum.

Frekar fyndið að skella sér upp í flugvél og fljúga aðeins í 1 klst og 20 mín og vera kominn til London, maður verður að vera duglegri við þetta.

Talandi um litla krúttið okkar þá er hann ennþá lasinn og þegar við komum heim seinnipartinn í gær var hann svo slappur að hann gat ekki gengið. Okkur leist svo ekki á blikuna í gærkveldi og hringdum á lækni sem kom og kíkti á hann. Dokksi var alveg á því að láta leggja hann inn en við ákváðum að bíða til morguns. Hann borðaði svo hafragraut í morgun en ældi honum aftur og svo fórum við með hann til Jóns læknis seinni partinn í dag. Þá var hann farinn að borða smá þannig að þetta lítur ekki eins illa út núna en hann er ansi máttfarinn og þar að auki er hann kominn með eyrnabólgu einu sinni enn.

Stóru börnin eru enn hjá pabba sínum og skemmta sér konunglega, búin að fara til Århus til frændfólks síns og eru komin aftur til Köben og gista á hóteli. Fóru víst í ZOO í dag og fara í tívolí á morgun og koma svo heim annað kvöld.

Biðjum að heilsa í bili. Ævintýrafararnir.